الخميس 28 مارس 2024
توقيت مصر 23:15 م
المصريون
رئيس مجلس الإدارة و رئيس التحرير

جمال سلطان

ظهور المخرج محمد خضر يثير الجدل في مهرجان الجونة

310643_0
المخرج خضر محمد خضر وزوجته
أثار ظهور المخرج محمد خضر الجدل في مهرجان الجونة بعد أن كان قد دشن السنوات الماضية فيديوهات أدان فيها مسئولي الجونة بسرقة فكرة المهرجان منه، وأن له حقوق في هذا المهرجان، وبظهوره هذا العام بصحبة زوجته ياسمين ابو النجا ابنه الفنانة نجلاء فتحي، أثار جدل حول وجوده بعد الخلاف الذي نشب بينه وبين مؤسسي الجونة آل ساويرس.
ورداً على هذا الجدل المثار كتب المخرج خضر على صفحته الرسمية على الفيس بوك: “الناس اللي بتسأل أنا إزاي في المهرجان بعد المشاكل “أنا بفضل ربِنَا وبفضل دعواتكم”، أعلنا السنة اللي فاتت والجرايد كتبت وأنا كتبت واحد المنظمين طلعت في التلفزيون، وقولت عملنا عقد تصالح مع محمد خضر، خلاص وأخد حقوقه، وبقى ضيف شرف المهرجان كل سنة والسنة ديه اسمها سنة الصلح خير.. وديه تاني سنة ليا في المهرجان كضيف شرف، أنا ومراتي.. وشكرت عندي عالفيسبوك كل الناس اللي وقفوا جنبي وتمنياتي بالتوفيق لمهرجان الجونة".
وتابع: "تفاصيل عقود التصالح، اللي بيفهم في القانون أو يعرف حد بيفهم في القانون يسأله وهايقوله إن تفاصيل أي عقد تصالح بتبقى سرية للغاية وبيحظر النشر أو الادلاء بها والا يطبق شروط جزائية ومبالغ طائلة على من يخالف ذلك.. إنما اللي مفهوم من الصورة الكبيرة أني أخدت حقوقي خلاص و كمان بقيت ضيف شرف في المهرجان كل سنة، وبالمناسبة المهرجان لذيذ قوي السنة ديه وفيه أفلام جامدة جدًا وندوات أجمد وأجمد".
اما بخصوص الصورة التي ظهر فيها يحمل حذاء زوجته في يده، أصدر خضر محمد خضر بيانا يوضح من خلاله سبب تصرفه على السجادة الحمراء وكتب على صفحته "عندي بس تعليقين صغيرين عايز أقولهم لمن يهمه الأمر.. بالنسبة للصورة بتاعتي أنا ومراتي، الصورة ديه اتاخدت واحنا مروحين الساعة 1.30 صباحاً من حفل الافتتاح، مش وإحنا داخلين حفل الافتتاح، أكيد مش هدخل حفلة شايل جزمة مراتي وماشي، إحنا الدعوات بتاعتنا دعوات VIP مش دعوات مشاهير، فده أصلًا ما بيدخلناش على السجادة الحمراء مع الفنانين، ده بيدخلنا من باب تاني جنبه، ما فيهوش كاميرات، كل ما هناك أن بعد 6 ساعات من الحفل، وإحنا خارجين باب الخروج كان زحمة وكل الناس خارجه منه، فنانين وغير فنانين ومصورين وكاميرات فيديو".
وتابع "ومراتي أكيد بعد 6 ساعات رجلها تعبت زي أي واحدة رجلها بتتعب في أي فرح.. فقلعت الجزمة فمن الطبيعي ومن الرجولة ومن الأدب إن أنا اللي أنزل اجيب الجزمة مش هخلي مراتي توطي وسط الناس أكيد، وديه لا حاجة تعييني ولا تقلل مني.. واحدة شايلة بيتي على راسها 15 سنة، مش هاشيل جزمتها 15 دقيقة؟".
واستكمل "المهم ضربت بعيني لقيت ممر السجادة الحمرا مفتوح وفاضي قولت لها ياللا نخرج من هنا أسرع، ولقينا المصور العزيز محمد حامد، بيطلب مننا صورة فوقفنا 3 ثواني بالظبط.. ابتسمنا واخدنا الصورة وخلعنا.. والراجل تفضل مشكورًا وبعت لي الصورة على فيس بوك وبصراحة الصورة لذيذة.. ولما حطيتها عندي على الوول لقيتها بيتعمل لها شير روحت قافلها "للأصدقاء فقط" بس كده".
وانطلقت فعاليات الدورة الرابعة من مهرجان الجونة السينمائي، مساء الجمعة 23 أكتوبر، وسط التدابير الاحترازية اللازمة للوقاية من فيروس كورونا وبمشاركة عدد من النجوم من مختلف أنحاء العالم.