"عبد ربه" :"اللى مش عاوز الإسماعيلى الباب يفوت جمل"

وجه حسني عبد ربه قائد فريق الإسماعيلي السابق، كلمة غاضبة للاعبى الفريق الأول عقب انتهاء تمرين أمس على ملعب استاد الإسماعيلية استعدادا للقاء طلائع الجيش المقرر الاثنين.
وجاءت كلمة "حسني" خلال زيارة وفد يضم كبار نجوم الفريق والقدامي ونجم النادي الأهلى مصطفى يونس لدعم الفريق الذي بات مهددًا بالهبوط.
وقال حسني عبدربه إنه على اللاعبين المسئولية وتخطي المباريات القادمة بالفوز شرط أن يكون لديهم رغبة حقيقية في الفوز.
وواصل حديثه غاضبا: «لما ابقى عايز تكسب هتكسب، عندك بلد زعلانة وبتموت نفسها علشانك وانت الفرحة الوحيدة ليهم، النادي ده اللى عملنا وعملكم وهيعمل اللى بعدكم»
وواصل موجها كلامه إلى اللاعبين: «خلى عندك انتماء وولاء واللى جاى انت اللى هتحطة بأيدك النادي ده له فضل علينا كلنا بعد اذنكم حافظ على اسمك واللى فاكر نفسه لعب ماتش واتنين وعايز يمشي الباب يفوت جمل».