مشادة حامية بين إبراهيم سعيد ووالد مروان محسن

نشبت مشادة عنيفة بين والد مروان محسن لاعب النادي الأهلي وإبراهيم سعيد لاعب الأهلي والزمالك والمنتخب المصري السابق، بسبب انتقاد الأخير لنجله المستمر.
وقال والد مروان خلال مداخلته ببرنامج "البريمو" مع الإعلامي محمد فاروق : "كل لاعب معرض إنه يكون وحش طبيعي ويعود من تاني لمستواه ولكن أنا شايف مع احترامي للأخ إبراهيم سعيد.
ليرد إبراهيم سعيد: أنا مش أخ يا عمي محسن إهدى على نفسك كده أنا مش جاي من الشارع هدي الليلة شوية أنا بقولك أنك زي والدي تقولي زي أخ لا أنا معتبرك والدي أخ إيه إحنا مش هنهزر.
ليرد عليه والد مروان : أنا بحترمك وبقدرك وكنت لاعب كويس يعني كل المدربين اللي جاءوا في تاريخ مصر طلعوا مروان محسن السما بقى مروان وحش ياكابتن إبراهيم أنت كنت أفضل لاعب في خط الدفاع وكنت من اللاعبين اللي بحترمها وبقدرها وماذا فعل لك مروان محسن.
ليرد إبراهيم سعيد : "حضرتك زي والدي وعلى راسي والله ولك احترامك وتقديرك وأنا من الناس والله العظيم بتكلم إن مروان انه ممكن يكون مش موفق ماتش أو ماتشين ولكن هو عنده نواقص لابد أن يشتغل عليها، ومش عيب إني أشوف النواقص واشتغل عليها.
ليرد عليه والد مروان محسن : "هو بيعمل كده ياكابتن إبراهيم والله.
لينتهي الأمر في آخر المكالمة بتفاهم بين الطرفين، خاصة وأن المداخلة بدأت بمشادة عنيفة بينهم.