نقابة الأطباء تحقق في اتهام طبيب بعلاج مريضاته بـ"الحضن": قفل الباب وقالي اعتبريني خطيبك

تباشر نقابة الأطباء التحقيق من صحة اتهامات متداولة عبر مواقع التواصل الاجتماعي لطبيب نفسي شهير تتضمن قيامه بعلاج مريضاته بـ"الحضن" وذلك للحفاظ على هيبة و وقار الأطباء كأصحاب رسالة إنسانية في المجتمع .

ونشرت عدد من الشباب حكايات قلن إنها "تثير الشبهة" حول سلوكيات الطبيب ، حيث قالت إحداهن في شهادة متداولة: كان دايما يقولي أنا سندك وفي ضهرك وباحسك قريبتي وإحنا عيلة، وفي مرة كنت باحكي له على حاجة بخصوص الحجاب وطلب مني صورة بشعري، وبعدين طلب إنه يفسحني في يوم وأكون بشعري من غير حجاب، ولما قلت له إن ده ملوش علاقة بالعلاج النفسي قالي ما ده مش علاج إحنا عيلة واحدة ".

وقالت فتاة في شهادة أخرى : "في فترة كانت نفسيتي تحت الصفر وتعبانة، أول ما دخلت له وباكلمه لقتني بعيط لأني كنت على آخرى، وكنت فاكراه إنه هاينقذني ويساعدني، قام وقفل الباب بالمفتاح وقالي هعالجك بالحضن، فقلت جايز يكون ده علاج صحيح وماكنتش مخوناه خالص، مجاش في بالي إنه متحرش .

كما نشرت فتاه أخري هاشتاج أنها كانت تمر بأزمة نفسية بعد انفصالها عن خطيبها، فذهبت إليه، قائلة: "مع الوقت بدأ يكلمني تليفونيا ويقول لي أنا بابا اعتبريني الأب اللي فقدتي حنانه، ودي طريقة علاج وأنا هاكون بديله، لدرجة إنه بالأسلوب بتاعه علقني بيه جدًا، وطلب منى صور شخصية أبعتها له عشان يعزز ثقتى الداخلية بنفسي، بعدين بدأ يكلمني إنه بيحلم بيا وحاول بشكل غير مباشر يتكلم في الدخول في علاقة غرامية غير رسميه".