السبت 16 يناير 2021
توقيت مصر 17:54 م
المصريون
رئيس مجلس الإدارة و رئيس التحرير

جمال سلطان

ADS
 

بعد تعليقه المسيء على صورة أحمد السقا .. فنان شهير يعلن اعتزال السوشيال ميديا

شريف منير
شريف منير
 
أعلن الفنان شريف منير توقفه عن الظهور أو التواصل مع جمهوره عبر مواقع التواصل الاجتماعي.

وقال "منير" في بيان عبر انستجرام : قررت أخد راحة من السوشيال ميديا .. كنت بتعامل من قلبي وبطبيعتي اللي الناس عارفاها وعمري ما جرحت في حد ، لكن أنا مؤخرا تعرضت لكمية كراهية وحقد غير مبرر رغم إن تاريخي مع التعامل مع الناس عمر ما كان فيه تجاوز.

وأضاف: لما نزلت آخر صورة أنا كنت بسبق عشان أكشف نوعية معينة من الناس اللي أنا مش عايزهم عندي لكن للأسف الموضوع دخل في طريق تاني أنا مش حابه لأن الناس شايفة إني عادي أتشتم أنا وعيلتي لكن مش عادي إني أرد على الغلط .. على فكرة انتوا صح مكنش ينفع أنزل لمستوى النقاش دا لأن انتوا متعودتوش مني على كدا .. شكرا لكل جمهوري اللي عارفني كويس وبيحبني بجد .. استراحة شوية بقى.

وكان شريف منير نشر صورة من الساحل الشمالي رفقة أحمد السقا وأحمد رزق وعلق قائلا: آدي يا سيدي الفنانين .. عايشين في الفتّه .. وبيصيفوا .. ولا حاسين بالناس ولا حاسين بحاجة .. وسايبين الناس في الحَرررر و القرف .. حرام عليكم .. حِسّوا بالناس .. حسبي الله ونعم الوكيل فيكم يا فنانين.