• السبت 20 يوليه 2019
  • بتوقيت مصر10:33 ص
بحث متقدم

مؤسس "أبناء مبارك" يشن هجومًا حادًا على عمرو أديب

الحياة السياسية

عمرو أديب
عمرو أديب

حسن عاشور

شن  سامح أبو عرايس، مؤسس حركة "أبناء مبارك"، هجومًا كبيرًا على الإعلامي عمرو أديب ، عقب تهجم الأخير على علاء مبارك، نجل الرئيس الأسبق محمد حسني مبارك.

وكتب أبو عرايس عبر صفحته الشخصية على "فيس بوك":"أنت اللي جبته لنفسك يا عمرو أديب ، مش من طبيعتي أتكلم عن أسرار تعاملات حد في البورصة ، لكن بما إن عمرو أديب غلط في جمال وعلاء مبارك يبقى نتكلم بقى ونكشف جزء من المستور ونكشف عينة صغيرة من تلاعبات عمرو أديب وعائلته في البورصة وربح الملايين على حساب المصريين" .

وأضاف :" كان في البورصة سهم اسمه " لكح جروب " تبع رجل الأعمال رامي لكح ،لما تعثر رامي لكح في سداد قروض وهرب من مصر انهار سعر سهمه ووصل الى 40 قرش و 70 قرش وأصبح في جدول اسمه خارج المقصورة ، عمرو أديب عمل لعبة للتربح من الموضوع ده، فكان بيعمل ايه بقى ؟".

وتابع :"يشتري هو وعائلته ملايين الأسهم من أسهم " لكح جروب " بأسعار متدنية 50 قرش و 40 قرش وكده بأسماء ناس تبعه ،وبعد كام يوم يروج في البرنامج بتاعه وقتها " القاهرة اليوم " كلام عن إن رامي لكح راجع وهيعمل تصالح مع البنوك ويعمل اتصال برامي لكح أو يسافر يعمل معاه مقابلة شخصية ويذيعها .. فيرتفع سعر السهم بشدة على أمل التسوية وإنقاذ الشركة" .

واستمر :" فالسهم اللي اشتراه عمرو وشلته ب 40 قرش و 50 قرش يبيعه ب 2 جنيه وأكثر ،يعني يبيع السهم ب 4 أو 5 أضعاف السعر اللي اشتراه بيه ويحقق ملايين مكاسب ،يشتري ب 10 مليون مثلا ويبيع ب 50 مليون ".

وأضاف :"كل ده في أسابيع قليلة وعلى حس الشائعة اللي طلعها ، والناس الغلابة من المستثمرين الأفراد يشتروا السهم بالغالي ويخسروا فلوسهم بسبب اللعبة دي وينهار السهم مرة أخرى بعدما يتضح انها كانت شائعة وان مافيش تسوية ولا غيره ،اللعبة دي عملها عمرو أديب عدة مرات وكسب منها هو وعائلته أموال طائلة" .

 وتابع :"دي عينة بسيطة من بلاوي عمرو أديب ، وفي غيرها كثير ،ولسه ماتكلمناش عن فلوس عماد أديب جابها منين، وعلاقاته بالتمويل الخليجي ،وعلاقاتهم بيهود نيويورك ، وعلاقاته بالسفارة الأمريكية ،وجاب فلوس جود نيوز منين، والفلوس اللي عمل بيها صحيفة العالم اليوم جابها منين".

واختتم :"وليه كان بيصرف عشرات الملايين على أفلام بتخسر لمجرد انه يروج لأفكار معينة لحساب مموليه ،أنا مش هاتكلم عن كل ده ،لكن ها تكلم عن تلاعباتكم في البورصة اللي هي مجالي وعارف كويس اللي كان بيحصل فيه ،موضوع لكح ده مجرد عينة صغيرة قوي، وأنا مش من طبيعتي أتكلم عن أسرار زي دي ،لكن طالما عمرو أديب بيجيب في سيرة جمال وعلاء مبارك يبقى يستحمل ومايعيطش بقى ".



تقييم الموضوع:

استطلاع رأي

هل تؤيد اختيار حسن شحاتة لتدريب منتخب مصر؟

  • ظهر

    12:06 م
  • فجر

    03:31

  • شروق

    05:09

  • ظهر

    12:06

  • عصر

    15:45

  • مغرب

    19:03

  • عشاء

    20:33

من الى