• السبت 21 يوليه 2018
  • بتوقيت مصر09:11 م
بحث متقدم

رسالة مواطن بسيط لـ"صلاح" تغزو "فيس بوك" .. ماذا كتب؟

الصفحة الأخيرة

محمد صلاح
محمد صلاح

أحمد عادل شعبان

تفاعل العديد من النشطاء والمشاهير مع رسالة كتبها مواطن بسيط يُدعى "محمد السيد رجب" لنجم مصر وليفربول والإنجليزي محمد صلاح .

وأعاد الكاتب الصحفي تامر أبو عرب نشر رسالة المواطن التي جاءت كالتالي: "اوعى تكون مستقِل باللي انت بتعمله .. يابني انت مقعد بلد بحالها تتابع الكورة هتيجي في رجلك امتى وهتعمل فيها ايه، اللي بيباصي لك بنحبه واللي بيبخل عليك بنكرهه
الناس في البيوت والقهاوي بيتفرجوا ويدعولك، واللي في المواصلات ماشيين في الشارع يسألو عليك، واللي مالوش في الكورة بيحاول يعرف عشانك
ماعدناش شايفينك مجرد لاعب كورة، كل واحد فينا شايف فيك أحلى حاجة منه، فرحان بنجاحك اللي معرفش يحققه، ومبسوط لك باللي هو مقدرش يعمله في مجاله.
اللي بتعمله في انجلترا عَلّيت بيه مستوى طموحنا لدرجة إننا بقينا زعلانين عشان مش شايفين اسمك في قايمة البالون دور!
احنا كنا جعانين نجاح يا صلاح، كان نفسنا في رمز العالم يقول اسمنا بسببه ولقينا عندك أكتر من اللي خيالنا وصل له بكتير، بكتير أوي والله يانجم ديربي المرسيسايد، يابطل ليفربول الأول، يا لاعب الشهر في انجلترا، ياهداف أقوى دوري في العالم، ياظاهرة كرة القدم حالياً
ياراجل دا حتى التطبيل ليك بقينا نحبه ونشوفه أقل من قيمتك.
ربنا يسعدك يا أبو مكة"

تقييم الموضوع:

استطلاع رأي

هل تتوقع فوز مصر باستضافة كأس العالم 2030؟

  • فجر

    03:33 ص
  • فجر

    03:32

  • شروق

    05:10

  • ظهر

    12:06

  • عصر

    15:45

  • مغرب

    19:03

  • عشاء

    20:33

من الى