• الأربعاء 28 يونيو 2017
  • بتوقيت مصر08:57 ص
بحث متقدم

تفاصيل مثيرة حول اعتداء الأمن على الصحفيين

آخر الأخبار

نقابة الصحفيين
نقابة الصحفيين

أخبار متعلقة

الداخلية

نقابة الصحفيين

الاعتداء على الصحفيين

تيران وصنافير

روت الصحفية مروة كامل تفاصيل مثيرة عن اعتداء عناصر الداخلية على الصحفيين داخل النقابة أمس الثلاثاء أثناء اعتصام العشرات احتجاجا على اتفاقية تيران وصنافير ، مشيرة إلى وجود بلطجية بين العناصر الأمنية.

وقالت كامل عبر صفحتها على "الفيس بوك":" اللي حصل بالتفصيل امبارح بدون مبالغات ولا ادعاء زي ما شوفت في بوستات ناس كتير ، أنا نزلت النقابه بعد الفطار وصلت 8 ونص لقيت الزملاء علي سلم النقابه وبيهتفوا الجزر مصريه ومافيش دقائق ودخلنا داخل النقابه واتجمعنا كلنا لما كان يحي قلاش وخالد علي وحمدين صباحي بيقولوا كلمه وتم الهتاف داخل النقابه بمصريه الجزيرتين ".

وأضافت:" وخرجنا بره علي السلم نهتف عادي زي كل مرة والمشهد كان الناس واقفين علي السلم بتردد الهتافات كان قصادنا بعد السلم بالضبط حواجز الشرطه خلفها بلطجيه بلبس مدني اللي كان زمان بيقفوا عند تقاطع شارع رمسيس بشارع عبدالخالق ثروت وتقاطع شامبليون بشارع عبد الخالق ثروت النهارده كان المشهد مختلف تماما فالبلطجيه خلف حواجز الشرطه مباشرة واقفين بشكل منظم جدا ومتصدرين المشهد خلفهم عساكر الامن المركزي".

وأوضحت:" وفي وسط الشارع ضباط رتب كبيرة وواحد ببدله شكله الكبير بتاعهم وكل رتبه واقفه معاها ضابط صغير بيكتب اللي بيقولوا عليه وهو بيشاور علي ناس مننا.... وفي اقل من ربع ساعه من وقفتنا وضابط الكبير اللي لابس بدله متعصب اوي وبيتكلم في التليفون وشكله زي ما يكون لو يطولنا كلنا هيموتنا مش هيحبسنا....المهم فجأة لقينا البلطجيه شالوا الحواجز وطلعوا علي سلم النقابه ليدفعونا الي الداخل بالقوة".

وتابعت:" والمشكله ان كان معايا مريم بنتي وحصل تدافع كبير من الناس ووقفت علي جانب خوفا علي مريم تقع او تضرب او تتاخد...... لغايه ما شافني عمرو بدر واخدني معه للداخل ومريم منهاره وانا داخله كنت بين النقابه وضابط وعساكر بيشدوا شاب من اللي واقفين وبيمد ايده ياخد شباب من داخل النقابه قعدت ازعق واقولهم ليه براحه حرام سيبه والتاني بيضرب بغباء الشباب .....لغايه مادخلت وشدني عمرو للداخل".

وأضافت:" سمعت بعدها من بعض الزملاء انه تم القبض علي محمد منير والدكتور محمد الاهواني والمهندسه ميرفت السعدني وكمال خليل واحمد طه النقر - لما حاولو ينقذوا بنت كان العساكر او الضباط شدوها من طرحتها وبيضربوها - ...وضربوهم وخدوهم علي الرصيف التاني اللي كان واقف عليه بعض العساكر والضباط وكثير من البلطجيه بشكل منظم.. وبكيت لما شوفت شاب واقف حصله كسر في كوعه ومش عارفه اعمل له ايه ....وبنت تانيه ايدها متعوره ...وبعد ما دخلنا قاعدت مريم مع د. كريمه الحفناوي اللي كانت موجوده من بدري وروحت اشوف ايه اخر التطورات".

وتابعت:"وجاء عمرو بدر بيقول ان الشرطه عايزه تقايض الصحفيين باننا نمشي وهي هتطلق سراح المجموعه اللي مسكوهم وكان الرد مننا ان يسيبوا زملاءنا واحنا بعد كده نفكر نمشي ولا لا...... وكان رأي جمال عبد الرحيم ان ما تم هو اقتحام للنقابه وهو ما يستدعي الاعتصام. ورفض هذا الاقتحام بكل الطرق....وكان يحي قلاش بيقول للناس امشوا علشان البهدله".

وأكملت :" بعد لحظات سمعنا عن وجود مظاهره جايه والامن رافض انهم ينضموا الينا وتم تفريقهم وملاحقتهم ....بس قاعدت شويه ومشيت لما وصلنا لقرار انه هناك اعتصام يوم الخميس القادم وخرج معايا عمرو بدر ومحمد سعد اعضاء المجلس وبعض الشباب لتوصيلي لخارج محيط النقابه .....وده طبعا بعد تأكيد رجال الشرطه لهم بان الناس لما تخرج مافيش حد هيتعرضلها .....بس لما روحت سمعت عن القبض علي 4 زملاء وبعدها بنص ساعه سمعت عن عدد لا يقل عن 20 شاب محتجز".


تقييم الموضوع:

استطلاع رأي

ما رأيك في تمرير مجلس النواب لاتفاقية «تيران وصنافير»؟

  • ظهر

    12:03 م
  • فجر

    03:16

  • شروق

    04:58

  • ظهر

    12:03

  • عصر

    15:42

  • مغرب

    19:08

  • عشاء

    20:38

من الى