• الثلاثاء 21 نوفمبر 2017
  • بتوقيت مصر04:20 ص
بحث متقدم

السيسي لوزير التنمية المحلية: "أين الـ300 ألف فدان؟"

الحياة السياسية

الرئيس السيسي
السيسي

أخبار متعلقة

السيسي

وزير التنمية المحلية

قاطع الرئيس عبد الفتاح السيسي، المهندس هشام الشريف، وزير التنمية المحلية، أثناء حديثه عن جهود الحكومة في استعادة أراضي الدولة، وسأله عن مصير الـ300 ألف فدان التي لم يذكرها في العرض الخاص به.

وقال "السيسي"، اليوم الأربعاء، خلال حفل الإعلان عن استرداد أراضي الدولة: "فيه 1.9 مليون فدان تم حصرها، وتمت استعادة 919 ألف فدان، والمفترض يبقى فيه مليون سيكون موقفها مختلفًا، وهناك 300 ألف فدان لم يتم ذكرها، يعني لم تُذكر في الأراضي المطلوب تقنينها، أو التي استعادتها الدولة، وضعهم إيه؟".

ورد عليه "الشريف": "الـ300 ألف فدان عليهم مشاكل يا فندم، سيتم دراسة تلك المشاكل وعمل تقرير بها".

وواصل "السيسي" حديثه: "عندنا 65 مليون متر أراضي تم الاستيلاء عليها والبناء عليها، وأنا لما باتكلم في النقطة دي بنوضح النقطة دي للشعب المصري، وبنقول لما اتحركنا التحرك ده، وانفعلنا عليه لم يكن نابعا من غضبة كده، لأن السيد المساعد المهندس إبراهيم محلب شغال في الموضوع ده من سنة، وبيبذل جهد كبير لتقنين الأوضاع لاستعادة أراضي مستوْلَى عليها سواء زراعية أو بناء، خلال السنة دي".

وتابع: "من 5 شهور تم تكليف الشرطة والجيش بالمساعدة في استعادة الأراضي، ولكن ماتعملتش حملة إعلامية كبيرة عشان الإجراءات تمشي، ولكن الجهد اللي اتعمل لم يكن كافيا أمام التحدي، عايز أقول للمصريين: فيه ناس بتقولِّي بلاش تتكلم في الأرقام والأموال، لأن الناس بتتصور لما بنقول هنقنن أوضاع 65 مليون متر هناخد أرقام هائلة كأموال، الناس بتبقى خايفة اننا بندي للشعب آمال وطموحات مش في محلها، ولكن عايز أقول للمصريين: الدولة بقت مسؤولة عن عمل مرافق لـ65 مليون متر، وهي لم تخطط لذلك!".

واستطرد: "الدولة دلوقتي بقى مطلوب منها تدخل على الـ65 مليون متر، وتعملِّهم مرافق شوارع وبنية أساسية وصرف صحي ومياه شرب وكهرباء وخدمات أخرى، ولو قلت أنا محتاج أعمل الكلام ده لـ65 مليون بنية، يعني عايز 65 مليار جنيه عشان الناس اللي عايشة على الأرض دي، أقدر أوفر لهم شكل مناسب وشكل حياة مناسبة، أنا هاعمل إيه في الـ65 مليون متر، هعملّهم مرافق إزاي وأخلِّى الناس اللي عايشة فيهم شكلهم كويس، وعشان الناس اللي عايشة فيهم ميقولوش الدولة سايبانا ليه، ويبقو ناقمين على الدولة".

واستكمل حديثه: "لازم أعترف ان فيه تجاوزات في الموضوع أثناء تنفيذ التعديات، بسبب الحماس ممكن، تضارب وتداخل ممكن، لكن يهمني أوي الناس في مصر والمحافظات تعرف إن الموضوع لم يكن على مستوى المحافظين وقادة الجيش والشرطة بس، ولكن الشباب أيضا مشارك، واللي هيقولِّي عليه الشباب هانفذه، لأنها مش حاجتي ومش حاجتنا، دي حاجة أولادنا وأولاد أولادنا".



تقييم الموضوع:

استطلاع رأي

بعد فشل مفاوضات سد النهضة.. ما هى الخطوة التالية لمصر في رأيك؟

  • فجر

    05:05 ص
  • فجر

    05:05

  • شروق

    06:32

  • ظهر

    11:46

  • عصر

    14:39

  • مغرب

    16:59

  • عشاء

    18:29

من الى