• الثلاثاء 25 سبتمبر 2018
  • بتوقيت مصر12:40 م
بحث متقدم
أبو عرب:

قبل 30 يونيو كانت الأوضاع أفضل لكن لا نريد عودة الإخوان

الحياة السياسية

أبو عرب
أبو عرب

أحمد عادل شعبان

أكد الكاتب الصحفي تامر أبو عرب أن الأوضاع قبل 30 يونيو 2013 كانت أفضل كثيرًا من الآن ، مشيرًا إلى أنه رغم هذا لا يترحم على فترة حكم الإخوان .

وقال في تدوينة عبر حسابه بـ"فيس بوك": "فيه ناس كتير بتتخيل إن اللي القرف اللي بيحصل في مصر من 4 سنين بيخلينا نترحم على الإخوان وأيامهم .. طبعا وقطعا الفترة من 2011 لحد يونيو 2013 أحسن بمراحل من اللي بعد كدة بس ده مش علشان الإخوان حلوين وبتوع ديمقراطية وبيحترموا الآخر، لكن علشان وقت ما حكم الإخوان سواء من خلال البرلمان أو الرئاسة كان فيه توازن قوى، فصيل قوي شعبيا (وقتها) بيحكم بأغلبية الصندوق، وفصيل معارض برضه قوي ومعاه شعبية مش قليلة (بنسبة انتخابات الرئاسة مثلا) ومعاه إمكانيات مادية و وسائل إعلام وقيادات كبيرة اسما وتاريخا، ومؤسسات دولة مش منحازة للحاكم بشكل كامل (كان فيه بوادر انحياز مثلا من قطاعات في الشرطة والقضاء لكن كان فيه قطاعات ممانعة جوة نفس المؤسسات)".

وأضاف: "بالتالي المعطيات دي أفرزت الحالة دي جبرا وفرضتها على الإخوان كفئة حاكمة وقتها، هم مختاروهاش، ولو في إيديهم كانوا اختاروا عكسها تماما، وهم نفسهم دلوقتي فاهمين إنهم وقعوا علشان مكانوش مستبدين بجد وكانوا ديمقراطيين أكتر من اللازم
الإخوان معملوش إعلام محترم، عملوا إعلام خميس وخالد عبد الله، الإخوان مقدموش خطاب مستنير، قدموا خطاب تغطية التماثيل بالشمع والمسيحيين الكفار برضه، الإخوان مخرجش من عندهم رئيس لكل المصريين، خرج رئيس أهلي وعشيرتي ومؤتمر نصرة سوريا، الإخوان محاولوش يصلحوا المؤسسات، حاولوا يستقطبوها ويخلوها تخدم عليهم ".

وأردف: "علشان كدة لازم يبقى واضح إننا مش عاوزين حكم الإخوان يرجع، احنا عاوزين الحالة دي ترجع، حالة الكرسي اللي مش ثابت بصاحبه، اللي فيه اعتبارات كتير تخلي الرئيس وحكومته مش مطمئنين، اللي المعارضة فيه بتقدر تتحرك وتعمل مؤتمرات ويبقى لها فضائيات ورموز سياسية كبيرة ومؤثرة وبيتعمل حساب لغضبها وبياناتها، ساعتها بقي لو حكم هولاكو شخصيا مش هبقى قلقان، لكن لما الحاكم بيطمن وبيحتكر السياسة والإعلام والمؤسسات بيحصل اللي احنا شايفينه ده" حسب تعبيره.

تقييم الموضوع:

استطلاع رأي

هل توقع فوز «صلاح» بجائزة أفضل لاعب فى العالم؟

  • عصر

    03:18 م
  • فجر

    04:27

  • شروق

    05:50

  • ظهر

    11:52

  • عصر

    15:18

  • مغرب

    17:53

  • عشاء

    19:23

من الى