• الأربعاء 19 سبتمبر 2018
  • بتوقيت مصر07:29 ص
بحث متقدم
أبو عرب يروي:

قصة المسيحي الذي عاد للعريش فاستقبله داعش بالرصاص

آخر الأخبار

تامر أبو عرب
تامر أبو عرب

أحمد عادل شعبان

روى الإعلامي تامر أبو عرب تفاصيل اضطرار مواطن مسيحي مُهجر من سيناء إلى العودة لهناك بعد أن ضاقت به الحياة وانغلقت في وجهه أبواب الرزق.

وقال "أبو عرب" في تدوينة عبر حسابه بـ"فيس بوك": "فيه مواطن مصري قبطي اسمه نبيل صابر مات من كام يوم، بس أكيد مش هتقرا عنه أخبار كتير ولا هتسمع اسمه في التليفزيون لأنه بيفكرنا بخيبتنا ، نبيل هو واحد من الأقباط المصريين اللي اتهجّروا من العريش على إيد داعش، قرر إنه يتحدى الإرهاب ويرجع من تاني بلده (قرية عاطف السادات بالعريش) ويفتح محل الحلاقة بتاعه ويقف ياكل عيش، بس للأسف ملحقش، لأن كلاب داعش قتلوه بالرصاص أول ما رجع المحل" حسب قوله.

وأضاف: "شيء بائس ومزري ومخيف ومهين إن عصابة تفرض أحكامها على الدولة وتختار مين يقعد في حتة من أرض البلد ومين ميقعدش، بس الدولة أكيد معذورة لأنها مش فاضية، مشغولة بتمرير قوانين بتمنع إهانة رموز الدولة وبتواجه مخططات خدش رونق القضاء وبتقبض على إسلام الحضري اللي عاوز يقلب نظام الحكم .. على فكرة ده كمان ممكن تلاقي ناس بتقول إن نبيل هو اللي غلطان لأنه هو اللي استعجل ورجع قبل ما الأمور تبقى تحت السيطرة في العريش (إيه اللي وداه هناك) بس لما تعرف السبب الحقيقي اللي خللى نبيل يرجع هتزعل جدا (أو المفروض يعني)، هو رجع لأنه حرفيا مبقاش لاقي ياكل، ومحدش وفر له أي مصدر دخل يصرف بيه على نفسه وعلى أسرته، ولما اتوفر لهم مكان يعيشوا فيه كان مكان غير آدمي".

وأردف: "المفاجأة أني اكتشفت إن ده وضع كتييير من الأقباط اللي اتهجروا من العريش، كتير منهم لا اتوفرت لهم مساكن محترمة، ولا فرص عمل بديلة، ولا اتفتحت محلات لأصحاب الحرف منهم علشان يكملوا حياتهم زي ما كانوا عايشين في العريش (يمكن أحسنهم حالا أو أقلهم معاناة اللي موجودين في الإسماعيلية لأنهم بيلاقوا بعض الاهتمام من المحافظة واتوفر لهم شقق صغيرة وفي بعض الحالات فرص عمل) يعني مجرد ما الموضوع عدى عليه كام يوم والاهتمام فتر والإعلام بطل يروح لهم اتسابوا تماما لمصيرهم، وبالتالي كان قرار نبيل إنه يرجع العريش ولو فيها موت، لأن البديل مش أحسن كتير".

واستدرك: "ياترى ممكن حادثة استشهاد نبيل تحرك الدولة والناس شوية إنهم يرجعوا يشوفوا أوضاع الأقباط المهجرين ويوفروا لهم حياة كريمة تغنيهم عن العودة للموت لحد ما تقدر الدولة تضمن رجوعهم وسلامتهم؟ وللا ده كمان طلب صعب؟" حسب تساؤله.

تقييم الموضوع:

استطلاع رأي

هل توقع فوز «صلاح» بجائزة أفضل لاعب فى العالم؟

  • ظهر

    11:54 ص
  • فجر

    04:23

  • شروق

    05:46

  • ظهر

    11:54

  • عصر

    15:23

  • مغرب

    18:01

  • عشاء

    19:31

من الى