• الأربعاء 26 يوليه 2017
  • بتوقيت مصر02:46 ص
بحث متقدم

أنا مصري

مساحة حرة

أنا مصري
أنا مصري

متقوليش أنا كاني

ولا تقوليش أنا ماني

 

قولي زيك  أنا مصري

وحط أيدك ف أيدي

الخير هيجيلك  يابن بلدي

 ويجيلى

وهات همك على همي

وانسى حزنك

وأنا أنسى حزني

*****

وتعالى بينا نتصافح

و لو ف خصام نتصالح

دي الفرقةيا ابن بلدي أبدا

 مش ف الصالح

****

إن كنت حزين ومجروح مني

انا بردو  زيك

 زعلان من  عمايلك

ودموعي على خدي

 والهم ملا قلبي

ما انا إللي جرحتك وبكيتك

وانت إللي طردتني

 من  بيتي وبيتك

 

 ****

 ايدك يا أخوية

سامحيني  واسامحك

خلي السلام يعيشه أبنى

وأبنك

ليه م الأمن نحرمهم ليه

 في بلد قال الرحمن عليه

 إن الأمن فيه

 

*****

هو الوطن أيه

غير ناس بتخاف عليه

وناس تضحي وتسامح

وتنسى الأسيه

 ومتقولش ليه

وناس للعدو واقفة في وشه

وسلاحهم بترفعوا بس عليه

 

******

كمان  دايما تلاقيهم

روحهم  خايفة

 على بعضيهم

وقلوبهم بالسماح بيضة

 زي الحليب صافية

وماسكين أوي ف بعضيهم

 وكتافهم متكاتفة

وشعارهم روحنا لوطنا نفديه

 زهرة حيتنا اللي عايشين عليه

وهو دا اللي بتنتصر

دايما إرادتهم بيه

*******

 

ملعون أبوها الفتنة الغبية

ومعلونة الأنانية

إللي تفرق أعظم ناس

على الكرة الأرضية

فى الشهامة والكرم والإنسانية

 

******

دا الأصل أحمس  ومينا

والجد اخناتون

 أول منادين للوحدانية

و الجدة ستنا هاجر أم العربية

 والأخت أم المؤمنين

  الطاهرة مارية

 

******

وعلى أرضهم نورت

 كل الديانات السماوية 

وخطت فيها كتير أنبيا

وقالوا  محروسة من ربها

ومبارك شعبها  قالها

عليه السلام نبي المسيحية

 

*******

لكن أبدا رباطهم  باقي

 رغم الأعادي 

 في الدنيا دية

ليوم القيامه تشوفهم البشرية

  دا مش كلامي اللي ب بقوله

دا قالوا  إللي قاله

 سيد البشرية

المصطفى

 نبينا الصلاة والسلام عليه

اللي استوصى بالخير

على أهلها بيه

 *****

 ماشاءالله .. الله أكبر

 تعيشي يا بلادي  حرة أبية

ويعيش شعبك

إيد وحدة

تقييم الموضوع:

استطلاع رأي

الزيادات الجديدة في أسعار شرائح الكهرباء

  • فجر

    03:37 ص
  • فجر

    03:37

  • شروق

    05:13

  • ظهر

    12:06

  • عصر

    15:46

  • مغرب

    19:00

  • عشاء

    20:30

من الى