نرصد القفشات التي قيلت عن فضيحة أحمد موسى

نرصد القفشات التي قيلت عن فضيحة أحمد موسى
 
أحمد عادل شعبان
الأربعاء, 14 أكتوير 2015 08:41


دشن عدد من نشطاء التواصل الاجتماعي هاشتاج بعنوان "غرد كأنك أحمد موسى" وذلك بعد قيام "موسى" بنشر فيديو لاحدى الالعاب الالكترونية على أساس أنه فيديو للقصف الروسي لداعش في سوريا .

وتنوعت القفشات ما بين قفشات كتابية وقفشات مرتبطة بببعض الصور وإلى بعض نص تلك القفشات الساخرة :

- انسحاب القوات الروسية من سوريا وذلك لنفاذ بطارية دراع البلايستيشن.

- انتوا فاكرين الألعاب دي مش حقيقية ؟! .. مغفلين .. ده انا لسه الاسبوع اللي فات كابتن ماجد طلب ايد بنتي ورفضته عشان اخوان .

- أحمد موسى النهاردة هيعرض جزء من المزرعة السعيدة على انها مشروع استصلاح المليون فدان.

- القبض على سوبر ماريو الداعشى اثناء مداهمة القوات الروسيه لاحدى البؤر الارهابية الخطيرة .... وبحوزتهم اتنين صندوق جواهر ....واحد أكله ...اربع قلوب حياه .... تلت موزات ... تفاحتين.

- وانا اللى عمال اتخانق مع الواد عمر ابنى فاكره بيلعب بلاي ستيشن ،،، أتاريه بيحارب.

-
 

هو مش غلطة احمد موسي ...
الengines اللي بيتعمل بيها الالعاب بقت واقعية جداً وتتصدق يعني مظنش انه عاملها نصب وبيضحك عالناس...ممكن فعلاً المعد البطاطساية اللي جهزله الفيديو يكون مخدش باله انه لعبة...وهو نفسه مخدش باله.

انتوا بقي غلطانين عشان نبهتوه،...كده هيريسيرش موضوع الالعاب ده...كان ممكن لو كمل كدة اسبوع ولا حاجة يجيب فيديوهات سطو مسلح من GTAV وتعمل ذعر في الشارع ويتشال فيها وزير ولا حاجة....

هتضايقونا وتفضلوا تتريقوا؟ استنوا اما الساعة اللي حاجزينها تخلص والدولة اللي بعدينا تنزل نيكست.

- عز الدين دويدار : بالمناسبه يعني .. قائد الجيش الروسي ورئيس الأركان ، يبقى صاحبي .. صديق شخصي يعني
كان دايماً بيفوت عليا في المكتب بليل بعد مايخلص شغل في السايبر اللي تحت العمارة .

















 
اشترك على صفحة المصريون الجديدة على الفيس بوك لتتابع الأخبار لحظة بلحظة
comments powered by Disqus